Ostiral honetan, hilak 10, 19:30ean, XII. Berria Txapelketaren aurkezpena egingo dugu Urnietako Oianume sagardotegian (Gipuzkoa).
Dakizuen moduan, pilotaren denboraldiko txapelketarik garrantzitsuena dugu hau, besteak beste, pilotariek euren elkartea ordezkatzeko aukera baitute. Herriarteko txapelketaren antza dauka lehiaketa honek.
Urteroko moduan, aurtengoan ere Berria egunkariaren babes eta laguntza osoa izango du txapelketak. Dena den, Oianume sagardotegiak ere laguntza garrantzitsua eskainiko du. Horrez gain, ezin ahaztu Andoaingo Gaztelekuk, Hernanik eta Galdakaoko Adiskidek emango duten babesa.
Aurtengoan, Euskal Herriko 16 pilota elkarte onenek parte hartuko dute. Ondorengoak izango dira:
Gipuzkoa : Gazteleku (Andoain), Oiarpe (Oiartzun), Pagazpe (Usurbil), Zazpi Iturri (Amezketa) eta Hernani.
Nafarroa: Bortziriak (Bera), Erreka (Doneztebe), Oberena (Iruñea), Irurtzun eta Huarte.
Bizkaia : Adiskide (Galdakao), Lemoa eta Markina.
Araba: Amurrio eta Txukun Lakua (Gasteiz)
Iparralde : pilotarien selekzioa.