Era desberdinetako hedabidetako pilotazale agurgarriak, Zumaia eta Zestoako Udaletxetako ordezkari zaretenok zeraten bezelaxe, ongi etorri bat denori lehenik eta behin.
Jakinerazten dizuegu aurtengo Dinastia Etxabe pilota txapelketa abiatzekotan dela jada, eta horren lekuko atxikitako egutegi eta kartel nagusia.
Azken urtetako egitura berean 40 pilotari dira parte hartzekoak, 16 jubenil mailan eta 24 berriz 23 urtez azpikoan. Lurraldeka sailkatuz 19 gipuzkoarrak, nafarrak 13, bizkaitarrak 5, 2 errioxatar eta ifarraldeko ordezkari bat.
Aurtengo ekitaldia ere Zestoan jokatuko da, Gurutzeaga pilotalekuan eta gaueko 10etatik aurrera ondorengo egun hauetan:
· Aurrekanporaketa bi jardunaldiak, Uztailaren 24 eta 31an.
· Azken laurdenekoak Abuztuaren 4, 6, 11 eta 13an.
· Finalerdiak Abuztuaren 18 eta 20an
· Eta finalak Abuztuaren 27an.
Gure gonbidapena era batera edo bestera txapelketa honetan parte hartu dezakezuenontzat, eta aldez aurreko esker ona ere bai noski aldi berean egin diezaiokezuen ekarpenarengatik.
Oraingoz besterik ez, XLIVgarrengo hau ere aurrekoak bezain emankorra izango denaren ustetan agurtzen zaituztegu.