Juan Martinez de Irujok eskuratu du 2006ko Euskadi Irratia saria ostegun honetan, martxoaren 23an, Erriberriko Marco Real bodegan izandako ekitaldian. Andoni Ortuzar EiTBko zuzendari nagusiak eman dio oroigarria Martinez de Irujori.
Epai-mahaia osatzen duten 20 kideren ustez, Iberokoa izan da 2006ko pelotaririk nabarmenena 449 punturekin, Aimar Olaizola izan da bigarrena 342rekin, Oier Zearra hirugarrena 301rekin eta Pedro Martinez de Eulate laugarrena 294rekin.
Finalari dagokionez, Juan Martinez de Irujok 100 puntu lortu ditu, Pedro Martinez de Eulatek 59, Oier Zearrak 33 eta Aimar Olaizolak 28.