Jai Alai News
ARBE-LEKUE vs EÑAUT-IBARLUZEA: 15-13, 15-10 [A multzoa]
BIXENTE-MANZI vs ALEX-ATAIN: 15-9, 12-15, 5-0 [B multzoa]
Profesional eta afizionatuen arteko Winter Seriesa hasi da Berriatuan. Ostiral gaueteko pilota giro ederrean, ligaxkako lehen partiduak ikusi ahal izan dituzte Mendibarrenen batu diren zaleek. Bietan ere, faboritotzat jotzen zirenek lortu dute garaipena.
Jokin Arbe eta Roberto Lekuek bikote sendoa osatzen dute. Txapelketa irabazteko faborito nagusiak dira askorentzat. Esperientziaz eta beteraniaz baliatuta, Eñaut Urreisti eta Ion Ibarluzeari set bi eta huts irabazi diete. Oso partidu gogorra, maila onekoa. Abiadura ikaragarrian jokatu dute. Ez da erremate askorik egon, eta ahalegindu direnean ere, adi egon da aurkaria. Hainbat berdinketa izan dira lehenengo setean eta azkenean, tanto biren aldeagatik gorriak nagusi. Bigarrena ere antzera hasi da, oso parekatuta baina sei tantu egin dituzte erreskan Jokinek eta Robertok, 4-5 galtzen joatetik 10-5 aurretik egoteraino. Eñaut gaztea ahalegindu da errematatzen. Pilotari ausarta da. Jokinek hala ere, igarri egiten izan dio eta garaipena gorrientzat izan da. Partidu ederra hala ere.
Bigarrenean, Bixente Gonzalez biarriztarra eta Mikel Manzisidor mutrikuarra nagusi. Lapurtarra, Gonzalez xisteragile familia ezaguneko azken belaunaldikoa da. Lehenengo setean, askoz finago jokatu dute gorriek, Alex Goitia eta Gorka Mugartegi «Atain» markinarrek baino. Atzelariak huts nahikoa egin ditu eta Goitia ere deskonzentratu egin da. Lehenengo seta 15-9, nahiko erraz gorrientzat. Bigarrenean aldiz, buelta eman diote egoerari markinarrek. Atain dominatzen hasi da eta kofiantza hartu dute urdinek. Bi-hiru tanto aurretik jarri dira eta horrela eutsi diote, 12-15 irabazi arte. Hirugarren eta azken seta aldiz, gorrientzat. Lehenego setean bezala, urdinek huts gehiegi egin dituzte.
PARTZIALAK
Arbe-Lekue vs Eñaut-Ibarluzea (2-0)
1.seta: 0-1, 1-1, 1-2, 3-2, 3-3, 4-3, 4-4, 6-4, 6-5, 7-5, 7-7, 11-7, 11-8, 12-8, 12-10, 13-10, 13-11, 14-11, 14-13, 15-13.
2.seta: 0-2, 2-2, 2-3, 4-3, 4-5, 10-5, 10-6, 12-6, 12-7, 13-7, 13-8, 14-8, 14-10, 15-10.
Bixente-Manzi vs Alex-Atain (2-1)
1.seta: 0-1, 3-1, 3-2, 5-2, 5-4, 9-4, 9-7, 12-7, 12-8, 13-8, 13-9, 15-9.
2.seta: 0-2, 1-2, 1-3, 2-4, 3-4, 3-5, 5-5, 5-7, 7-7, 7-10, 8-10, 8-11, 9-11, 9-12, 10-12, 10-14, 12-14, 12-15.
3.seta: 5-0.
Bihar, igandez, txapelketako bigarren jardunaldia jokatuko da 11:30tan hasita. Gogoratu partidu guztiak Berriatua direla.
ARBE-LEKUE vs URRUTIA-AIMAR [A multzoa]
BIXENTE-MANZI vs ANTXON-SALEGI [B multzoa]
Argazkiak: Andoni Iparragirre-GUK JAI ALAI