Jai Alai News
Eusko Label Winter Series
5. jardunaldia, A multzoa
GOIKOETXEA-LEKERIKA vs COSME-DEL RIO: 15-9, 15-5
Lekerika eta Goikoetxea erraz nagusitu dira Eusko Label Winter Serieseko bosgarren jardunaldian. Ordena horretan jarri ditugu, Lekerika eta Goikoetxea, atzelari gernikarra izan delako gaurko partidako saltsa apurra jarri duen pilotaria. Ez da partidurik izan. Olharanen lesioak asko desitxuratu du neurketa eta Cosme eta Del Rio, biak aritu dira ezinean. Goikoetxeak eta Lekerikak esfortzu gutxirekin lortu dute garaipen erraza, eta diogun moduan, albiste on bakarra Lekerikaren itzulera da, uda zail bat behin atzean utzita.
Goikoetxea eta Lekerika ez daude matematikoki finalerdietan, baina hanka eta erdi dute barruan. Bikote urdinari dagokionez, Olharanen berragerpena abenduaren 31ra atzeratzen da eta egutegiko aldaketak modu honetan geratzen dira:
Gaurko partidaz ez dago asko esaterik. Atzelarien arteko lehian Lekerika nagusitu da; bikote marroia askoz gehiago izan da; urdinek huts gehiegi egin dituzte. Gernikako frontoiak ez du gupidarik eta pilotari bakoitzaren hutsuneak beste inon baino ageriago geratzen dira. Onerako zein txarrerako.
Partida amaieran, bikote irabazlea harmailetan gora igo da ETB-ko setera bidean eta zaleen esku-zartak jaso dituzte. Txapelketako lehen bi partida hauetan, aurkariek ez dizkiete gauzak zail jarri Goiko eta Lekeri baina eurek ere solbentzia handiz gainditu dituzte norgehiagokak, sustorako aukerarik utzi gabe.
A MULTZOA
1. Goikoetxea-Lekerika ……………………. 8pt (+29 tantu)
2. Goitia-Basque …………………………….. 4 pt (+5)
3. Olharan-Del Rio …………………………… 0 pt (-16)
4. Erik-Minvielle ……………………………….. 0 pt (-18)
B MULTZOA
1. Erkiaga-Ibarluzea ……………………….. 7 pt (+29)
2. Johan-Lopez ……………………………… 1 pt (-10)
3. Laduche-Gorka …………………………… 0 pt (0)
4. Arbe-Manci …………………………………. 0 pt (-19)