Lehiaketa puntuagarri bat antolatu dute

Gara
Frontisek lehiaketa puntuagarri bat antolatu du, eta txapelketak Gipuzkoan, Bizkaian,Nafarroan, Araban eta Errioxan izango dira. Denak elkarrekin lotuak izango dira, eta txapelketa bakoitzean puntuak banatuko dira. Zortzi onenek Master bat jokatuko dute amaieran. Abenduaren 20an hasiko da txapelketa, ordutik aurrera jokatuko baita Nafarroako Lau eta Erdikoa. Txapelketa hauetan edozein pilotari profesionalek parte har dezake, baita bere kabuz aritzen direnek ere. Frontisek badaki Asegarceko eta Aspeko inor ez dela lehian izango, baina Besagaineko, Garfeko edo Botivoleako norbait izatea espero dute. Izena emateak 300 euro balioko du, eta bakoitzeko irabazleak 3.000 euro jasoko ditu dirutan.