Bihar Galarretan, Segurola eta Juanenea gaindituz gero gutxienez finalerdietara sailkatuko diraBinakako Erremonte Txapelketako beste jardunaldi bat jokatuko da bihar Galarretan, 16:30etatik aurrera. Lehenengo partiduan Bigarren mailako txapelketarako baliagarria izango den partidua jokatuko da eta bertan Loitegi-Eskudero, Goikoetxea V-Aiestaran VI.aren aurka neurtuko dira.
Hurrengo partiduan, Lehenengo mailan, Aldabe eta Barrenetxea IV.a, Segurola-Juanenearen aurka arituko dira. Aldabe eta Barrenetxea jokatutako bi partiduak irabazi dituzte eta bihar, 17:30etatik aurrera, garaipena lortuz gero finalerdietara sailkatuko lirateke. Gainera finalerako zuzenean sailkatzeko aurrera pauso garrantzitsua litzateke. Segurola eta Juaneneak lehenengo partidua galdu egin zuten 2-0 eta bigarrenean garaipena eskuratu zuten 2-1. Hiru puntu dituzte eta garaipenak lasaitasuna emango lioke bikoteari.
Orain arte txapelketa ezin hobea ari dira jokatzen Aldabe eta Barrenetxea. Atzelari hernaniarra sasoi onean dago eta nagusi izan da bi partiduetan. Txapelketako erremontaririk nabarmenena izan da.
Bigarren mailan, Goikoetxea V-Aiestaran VI.aren aurka neurtuko dira. Aurreneko partidua irabazi eta gero bigarren garaipena nahi du Aiestaran atzelari hernaniarrak. Gainera, irabaziz gero lider jarriko dira urnietarra eta hernaniarra. Loitegi eta Eskuderok ere jokatutako partidua irabazi egin zuten, baina puntu bat gutxiago dute.
Cartelera del sábado 25 de noviembre en Galarreta a partir de las 16:30 horas
1. Loitegi-Eskudero contra Goikoetxea V-Aiestaran VI a 3 set CAMPEONATO DE PAREJAS DE SEGUNDA
2. Aldabe-Barrenetxea IV contra Segurola Juanenea a 3 set CAMPEONATO DE PAREJAS
3. Ansa II-Larrañaga contra Ezkurra II-Azpiroz a 3 set