Masters Txapelketako ligaxkako bigarren jardunaldia jokatuko dute larunbata arratsaldean Galarretan. Zaleek hainbeste itxaron duten partida iritsi da, Buruz Buruko finalaren lehenengo errebantxa. Ansa II eta Barrenetxea IV arituko dira aurrez aurre, arratsaldeko 16:30etatik aurrera hasiko den jaialdian.
Urnietarrak pasa den astean erakutsi zuen ez dagoela brometarako. Sasoi betean dabilen Azpirozi nagusitasunez irabazi zion (30-13), eta jokoan erakutsi zuen espezialista dela buruz burukoan. Hernaniarrarentzat, ordea, txapelketako lehenengo partida izango da. Fisikoki puntu onean dagoela azpimarratu du azken adierazpenetan, eta gogotsu ekingo dio urteko lehenengo txapelketari.
Ansak puntu negatiboa saihesten badu sailkatuta egongo da finalerako.
Txapelketakoaz gain, bi partida gehiago izango ditu gaurko jaialdiak. Lehenengoan Irazuk eta Apezetxeak Gurrutxagaren eta Eskuderoren aurka jokatuko dute. Jaialdia ixteko, aldiz, Ezkurra II-Zubiri eta Aldabe-Juanenea bikoteen arteko norgehiagoka ikusteko aukera izango da.
Cartelera del sábado 25 de enero en Galarreta a partir de las 16.30 horas
1. Irazu-Apezetxea contra Gurrutxaga-Eskudero a 3 set
2. Ansa II contra Barrenetxea IV a 30 tantos MASTERS KUTXABANK
3. Ezkurra II-Zubiri contra Aldabe-Juanenea a 3 set