Irujok eta Peñagarikanok oso pilota indartsuak hautatu dituzte biharko buruz buruko partidarako
Txantxetarako tarterik gabe, Juan Martinez Irujok eta Kepa Peñagarikanok sortako pilota indartsuenak aukeratu zituzten atzo, bihar Donostiako Atanon jokatuko duten buruz buruko partidarako. Biek Punpa etxeko pilotak aukeratu zituzten. Donibane Lohizuneko etxearen pilotak zailak dira mugitzen, eta biek halakoak hautatu izana kolpe handiarekin dauden seinale da. Biek, gainera, antzeko pilotak aukeratu zituzten. Peñagarikanok aitortu zuenez, bakoitzari kontrarioaren pilotak emango balizkiote, litekeena da bietako inor ez ohartzea aldaketaz.