TODA LA INFORMACIÓN SOBRE PELOTA VASCA
Mirian Arraizak (Izurun) eta Miren Larrartek (Su-Berri) irabazi dute emakumezkoen eskuz banaka lau t’erdiko Gipuzkoako Txapelketa.
Lotura honetan dituzue xehetasun guztiak: https://bit.ly/3pYvsR0. Eta esteka honetan finalen irudi bilduma dago ikusgai: https://bit.ly/3gDdjng
Azken txanpan sartu da Gipuzkoako Herriarteko Txapelketa. Eskuz eta gomazko paletaz finalerdiei ekingo diete asteburuan, eta zesta-puntaz ligaxkako azken jardunaldia jokatuko dute.
Xehetasun guztiak eta jardunaldi honetako kartelera, esteka honetan: https://bit.ly/3crQkKU
Bertan behera gelditu da Udaberri Sariko zesta-puntako finala, Zumaiaren ez agertzea tarteko. Hortaz, Ametsa taldea izango da irabazlea.
Ostiralean, hilak 11, emakumezkoen eskuz banaka lau t’erdiko Gipuzkoako Txapelketako finalak jokatuko dituzte, Donostiako Ibaeta frontoian, ateak itxita. Ondorengo lerrotan duzue jaialdia:
Ekainak 11, ostirala, 19:00, Donostia-Ibaeta
Pandemiaren eraginez partidak jokatu ahal izateko datarik ez dagoenez, eta txapelketa amaitzeko zailtasunak daudenez, Gipuzkoako Euskal Pilota Federazioak 2020-21eko Enrique Abril Errebote Txapelketa behin betiko bertan behera uztea erabaki du.
Laster zabalduko dugu izen-emate epea 2021-22ko Enrique Abril Txapelketarako, datorren denboraldikoa normaltasun osoz jokatzeko itxaropenez.
Larruzko paleta eta pala motzeko lehia bukatu berri da Gipuzkoako Herriarteko Txapelketan. Eskuzkoa, gomazko paletakoa eta zesta-puntakoa, ordea, martxan dira oraindik. Bai eskuz bai gomaz finalerdietarako sailkapena izango da jokoan asteburu honetan, eta zesta-puntaz ligaxkako azkenaurreko jardunaldia jokatuko dute.
Lotura honetan dituzue xehetasun guztiak, eta baita asteburuko kartelera ere: https://bit.ly/2SQB82O
Dakizuenez, 2021eko Gipuzkoako Herriarteko Pala Txapelketa irabazi du Andoainek. Bana berdindu du Errenteriarekin finalean (larruzko paletako lehian Andoain nagusitu da, eta pala motzekoan Errenteria), baina aldeko tanto kopuruak eman die garaipena andoaindarrei. 7. txapela gehitu diote bere palmaresari; eta, hala, Donostiarekin batera, txapel gehien dituen herria da. Xehetasun gehiago, esteka honetan: https://bit.ly/3pb3Jfs
Trinketeko Kluben Arteko Gipuzkoako Txapelketan, Su-Berri 2 taldeko pilotariek irabazi berri dute emakumezkoen paleta argentinarreko finala, Hernaniren aurka.
Bestetik, eta txapelketa berean, asteburuan larruzko paletako lehia hasiko da.
Esteka honetan duzue informazio guztia: https://bit.ly/3c8v0Kc
Larruzko paleta eta pala motzeko lehiaz gain, gainontzeko espezialitateena ere martxa onean doa. Eskuz zein gomazko paletaz, final-laurdenei ekingo diete asteburuan; eta zesta-puntaz, ligaxkako 4. jardunaldia jokatuko dute. Esteka honetan duzue informazio guztia, eta baita jardunaldi honetako kartelera ere: https://bit.ly/3vrpMAB
Trinketeko Gipuzkoako Txapelketan, emakumezkoen paleta argentinarreko finala jokatuko dute Su-Berri 2 eta Hernani taldeek, igandean, Iruran.
Bestetik, joan asteburuan txapelketa berean jokatutako eskuz binakako finaletan, Hernani 2k (kadeteak) eta Behar Zanak (nagusiak 1. maila) jantzi zituzten txapelak.
Ondorengo estekan duzue informazio gehiago: https://bit.ly/3hRGllu
Andoainek eta Errenteriak jokatuko dute Herriarteko Pala Txapelketaren finala, igande honetan, Donostiako Atano III.a pilotalekuan. Esteka honetan dituzue xehetasunak eta baita hainbat datu historiko ere: https://bit.ly/3fmAYt1
Eskuz binakako eta xareko finalak jokatu berri dituzte Trinketeko Kluben Arteko Gipuzkoako Txapelketan. Ametsa eta Behar Zana klubeko pilotariek jantzi dituzte txapelak xareko finaletan, jubeniletan eta nagusietan, hurrenez hurren. Eta eskuz binaka nagusitu dira Hernani, jubeniletan, eta Mundaro, nagusien 2. mailan.
Eskuz binakako beste bi finalak, kadeteena eta nagusien 1. mailakoena, hain zuzen ere, datorren larunbatean (2021-05-22) jokatuko dituzte, 16:00etatik aurrera, Irurako Ametsa trinketan.
Esteka honetan duzue hau guztiaren inguruko informazioa: https://bit.ly/3tWmJ1S
Herriarteko Eskuzko Txapelketari ekingo diote, asteburuan, izena emandako 16 herriek. Txapelketa osorik izango da martxan, hala. Ondorengo loturan dituzue xehetasun guztiak eta baita jardunaldi honetako kartelera ere: https://bit.ly/3eEMe3f
Trinketeko Gipuzkoako Txapelketako eskuz binakako eta xareko finalak jokatuko dituzte, larunbatean, Irurako Ametsa trinketan. Esteka honetan duzue informazioa: https://bit.ly/3eH8rxM
Dakizuenez, eskuz banaka lau t’erdiko Gipuzkoako Txapelketako bi final jokatu zituzten, atzo, Donostiako Atano III.a pilotalekuan. Bada, Mundarro klubeko pilotariek jantzi zituzten bi txapelak.
Lotura honetan duzue informazio guztia: https://bit.ly/3vYL6xc. Sari-banaketaren argazki bat ere bidaltzen dizuegu.