TODA LA INFORMACIÓN SOBRE PELOTA VASCA
Aurtengoan bai. COVIDak baldintzatutako geldialdiaren ondoren, 2021-22ko denboraldian bai izango dute beraien txapelketa alebin eta infantil kategorietako Gipuzkoako puntistek. Hain zuzen ere,asteburuan hasiko da Zesta-puntako Udazken Saria.
Ondorengo estekan dituzue xehetasun guztiak: https://bit.ly/3BXjUlr
Oiangu eta Eple klubek jantzi dituzte lehendabiziko txapelak Ezker Hormako Kluben Arteko Gipuzkoako Txapelketan; hain zuzen ere, larruzko paletako finaletakoak.
Bestetik, eta larruzko paletako lehia bukatuta, pala motzakoari ekingo diote asteburuan.
Esteka honetan duzue informazio guztia: https://bit.ly/31sOo20
Ezker Hormako Kluben Arteko Gipuzkoako Txapelketan, denboraldiko lehendabiziko finalak izango dira ikusgai, asteburuan. Hain zuzen ere, larruzko paletako lehiak jokatuko dituzte, larunbatean, Olaberrian. Aurreikusitako jaialdia, hauxe:
Urriak 30, larunbata, 10:00, Olaberria-Udalekoa
1. Larruzko paleta, nagusien 3. maila:
EPLE (Ezkerro-A.Pichel) / ALTZATARRA 1 (Auzmendi-Amiano)
2. Larruzko paleta, nagusien 2. maila:
OIANGU 4 (Otegi-Andonegi) / GAZTELEKU (Altuna-Rekalde)
3. Larruzko paleta, nagusien 1. maila:
OIANGU (Berasategi-Alkorta) / ERREPALA 2 (Brosa-Navarro)
Aurten ere ezinezkoa izan da. Bizkaia 1 taldeak irabazi du VI. Bote Luzeko Euskal Herriko Txapelketako finala, eta Gipuzkoak, hortaz, ezin izan du etxera ekarri bere lehendabiziko txapela.
Informazio gehiago, esteka honetan: https://bit.ly/3aU6NWR
Villabonako Behar Zanak ezin izan du lortutakoa biribildu 58. Enrique Abril Errebote Txapelketan; galdu egin du finala Donibane Lohizuneko Luzean taldearen aurka.
Informazio gehiago, esteka honetan: https://bit.ly/3pdQGvB
Aurreko denboraldian COVID-agatik ezin izan genituen Errendimenduko Txapelketak antolatu, baina aurten berriro helduko diegu. Hain zuzen ere, jardunaldi honetan eskuz banakako Gipuzkoako Errendimenduko Txapelketari ekingo diote Gipuzkoako pilotari alebinek eta infantilek.
Lotura honetan duzue informazio gehiago: https://bit.ly/3j2THLw
Behar Zana (Villabona, Gipuzkoa) eta Luzean (Donibane Lohizune, Lapurdi) taldeek jokatuko dute 58. Enrique Abril Errebote Txapelketako finala, igande arratsaldean, Oiartzunen.
Esteka honetan dituzue bilduta xehetasun guztiak, eta baita hainbat datu historiko ere: https://bit.ly/3j1XAjA
Gipuzkoako Bote Luzeko Euskal Herriko Txapelketako finala jokatuko du. Bizkaia 1 taldea izango du aurkari, urriaren 16an, Buñuelen (Nafarroa); bere lehendabiziko txapela ekarri nahi dute etxera gipuzkoarrek.
Esteka honetan dituzue xehetasun gehiago: https://bit.ly/3Bt2LAg
Villabonako Behar Zana taldeak 58. Enrique Abril Errebote Txapelketako finalerdietara sailkatzea lortu du. Kanboarrak, Luzean eta Zaharrer Segi taldeak ere izango dira azken fasean. Ondorengo estekan dituzue xehetasun guztiak: https://bit.ly/3CXrwoB
Gipuzkoak Bote Luzeko Euskal Herriko Txapelketako finalerdietara sailkatzea lortu du. Larunbatean jokatuko du finalerdia, Iparralde 2-Senpere taldearen aurka, Oiartzunen. Ondorengo estekan duzue informazio gehiago: https://bit.ly/3EYOCNr
Asteburuan hasiko da Ezker Hormako Kluben Arteko Gipuzkoako Txapelketa, hitzordu garrantzitsu eta parte-hartzailea. Larruzko paletako lehiak emango dio hasiera 2021-22 denboraldiko edizioari. Informazio gehiago, esteka honetan: https://bit.ly/3tsAuaa
2021-22ko Bote Luzeko Euskal Herriko Txapelketa ere prest da. Euskal Herriko 6 taldek eman du izena Euskadiko Euskal Pilota Federazioak (EEPF) antolatutako seigarren edizio honetan, etahorien artean da Gipuzkoaere.Asteburuan ekingo diote lehiari.
Ondorengo estekan dituzue xehetasun gehiago: https://bit.ly/2YbR4PL
2021-22 denboraldian ere mutilen eskuko teknifikazio proiektuarekin lanean jarraituko du Gipuzkoako Euskal Pilota Federazioak. Eskuz aritzen diren Gipuzkoako infantil eta kadete kategorietako mutil pilotariei dago zuzenduta deialdia. Eta hilaren 10era arte zabalik izango da izena emateko aukera.
Informazio gehiago, lotura honetan: https://bit.ly/3DvPubT
Real Sociedad klubeko bi talde izan dira aurrez aurre Trinketeko Gipuzkoako Txapelketako larruzko paletako finalean. Eta Aitor Agirre-Joseba Lujanbio bikoteak (Real Sociedad 3) jantzi ditu txapelak:
Uztailak 3, larunbata, 10:30, Donostia-Gaska
Larruzko paleta, nagusiak:
REAL SOCIEDAD 3 (Aitor Agirre-Joseba Lujanbio) 40 /
REAL SOCIEDAD 1 (Aitor Brosa-Mikel Begiristain) 35
Bukatu berri da Ezker Hormako Kluben Arteko Gipuzkoako Txapelketa, eta Danok Bat, Zumaia eta Gazteleku klubek jantzi dituzte azken txapelak. Esteka honetan dituzue xehetasunak: https://bit.ly/3jzlO5R