Jai Alai News
* Urtarrilaren 23an, 19:30tan (ETB 1en, 22:30tan)
* GOIKOETXEA-ETCHETO vs TAMBOURINDEGUY-MINVIELLE
* Partida honek txapelketako finalerdiak zehaztuko ditu
* Lesioa gaindituta kantxan da bueltan Tambourindeguy bidartarra
Amaitzear da Eusko Label Winter Serieseko ligaxkako fasea. Azken partida falta da, B multzoari dagokiona eta gauza gutxi geratzen dira definitzeko. Goikoetxea eta Etcheto finalerdietan izango dira eta eurekin batera, B multzoan, baita Beaskoetxea eta López ere. Goiko eta Etcheto multzoburu izango dira, betiere gaurko partida 0-2 galtzen ez badute. Soilk kasu horretan sailkatuko lirateke bigarren postuan Diegorekin eta Imanolekin berdinduta baina tanto-average okerragoarekin. Errepasa dezagun sailkapena, azken partida honen faltan.
* B MULTZOA
1. Goikoetxea-Etcheto: 7 puntu (+10)
2. Beaskoetxea-López: 7 puntu (+9)
3. Johan-Del Rio: 5 puntu (-3)
4. Tambourindeguy (Urko)-Minvielle: puntu 1 (-16)
Goikoetxeak eta Etchetok huts eta bi galduz gero, zazpi punturekin jarraituko lukete, baina tanto-averagean atzera eginez. Soilik kasu horretan aurreratuko lieke Beaskoetxeak eta Lopezek. 1-2 galdu edo partida irabazita ostera, Iñakirentzat eta Nicolasentzat izango da lehen postua.Txapelketaren azken faserako erritmoa hartzen ari da aurrelari zumaiarra. Gaur Gernikan jokatuko du eta ostiralean Durangoko Ezkurdiren inaugurazioan.
Multzo honetako lehenengo bikoteak otsailaren 6an jokatuko du Barandika eta Lekerikaren kontra (A multzoko 2.ak). Beste partidan, urtarrilaren 30ean, Olharan eta Basque izango dira (A multzoko 1.ak) B multzoko bigarrenaren kontra.
* Tambourindeguyren itzulera
Lehiaketako matematiketatik kanpo, Jon Tambourindeguyren itzulera da jardunaldi honetako albisterik onena. Bidarteko aurrelariak lehen bi partidak galdu ditu eskuin belauneko lotailuan izan duen lesioaren erruz. Hala ere, eta nahiz eta kanporatuta egon, «oso kontent» aterako da Gernikako Katedralera, behin lesioa osatuta. Pilotaria izateaz gain, pilotaren maitale handia da Tambourindeguy. Patxi anaiarekin batera Ona Pilota proiektuaren sustatzailea ere bada www.onapilota.com. Berak behintzat, biziki gozatuko du Gernikako jendetzaren aurrean jokatuta, ia astelehenero ikusi baitugu Iparraldeko pelotarien botilero lanetan. Ea zaleek ere beste hainbeste egiten duten bera jokoan ikusita. Ziur hala dela!