Zorretan

Enekoitz Telleria / Berria
Joan den astean argitaratu genuen. Pilotari buruzko orrialde honetan bertan. Idatzitako egunean ez ginen ohartu ere egin eta larria da hori. Baina hurrengo egunean irakurri nuenean, lotsaz gorritu nintzen. Erremonteari buruzko laburtxo bat zen. Oharkabean joaten dira horrelakoak normalean, baina orrialdean hartzen duten tamainaren halako bost izaten da egin dezaketen mina askotan. Zera zioen laburtxoaren titularrak: «Izarrik gabeko estelarra Galarretan». Aditzera eman nahi zena da antolatu duela erremonte enpresak egun hauetarako beste txapelketa bat, eta asteartea izanagatik Galarretan ez zirela azalduko Ezkurra, Zeberio II.a, Lizaso eta altunatarren pareko izarrak. Beste batzuei eman zitzaiela aukera, baina izarrik gabeko estelarra zela hura.